તમે હિંગ-જીરા બટેટાની સબ્જી તો ઘણીવાર ખાધી હશે, પરંતુ ક્યારેય એના પરોઠા બનાવવાનું વિચાર્યું છે? જો નહીં, તો ચાલો તમને જણાવીએ કે હિંગ અને જીરું બટેટાના પરોઠા ઘરે જ કેવી રીતે બનાવી શકાય છે.
એક નજર
- રેસિપી કવીઝીન : ભારતીય
- કેટલા લોકો માટે : 1-2
- સમય : 30 મિનિટથી 1 કલાક
- ભોજનનો પ્રકાર : વેજ, લંચ, ડિનર
આવશ્યક સામગ્રી :
- 2 કપ ઘઉંનો લોટ
- 4 બાફેલા બટાકા
- 2 લીલા મરચા
- 1 ચપટી હિંગ
- 1/4 ટીસ્પૂન ગરમ મસાલો
- 1/4 ટીસ્પૂન લાલ મરચું પાવડર
- 1 ચમચી જીરું
- 1/4 ચમચી ચાટ મસાલા
- 1 ચમચી લીલા ધાણા
- મીઠુ સ્વાદ અનુસાર
- તેલ જરૂર મુજબ
બનાવવાની પદ્ધતિ :
- સૌથી પહેલા બટાકાને મેશ કરી લો.
- મધ્યમ ગેસ પર કડાઈમાં તેલ ઉમેરીને ગરમ કરવા રાખો.
- તેલ ગરમ થાય કે તરત જ તેમાં હિંગ અને જીરું નાખીને ફ્રાય કરો.
- હવે તેમાં બટાકા, ગરમ મસાલો, લાલ મરચાનો પાવડર, લીલા મરચા, ચાટ મસાલા અને મીઠુ નાખી, મિક્સ કરીને 2 મિનિટ માટે ઢાંકી દો.
- થોડા સમય પછી લીલા કોથમીર નાખીને ગેસ બંધ કરી દો.
- આ પછી, એક વાસણમાં લોટ અને મીઠુ મિક્સ કરીને પાણી નાખીને નરમ લોટ બાંધી દો.
- હવે લોટની ગોળીઓ અલગ કરી લો અને પુરીની જેમ વણી લો.
- તેમાં એક ચમચી બટાકાની સ્ટફિંગ મુકો અને પેક કરી દો.
- લોયા પર સૂકો લોટ નાખીને તેને પરોઠાની જેમ રોલ કરી દો.
- હવે તેને મધ્યમ ગેસ પર હલકું તેલ નાખી ગરમ થવા મૂકી દો.
- હવે પરોઠો નાખી બંને તરફ તેલ લગાવી કડક થાય ત્યાં સુધી સેકી લો.
- આવી જ રીતે બધા પરોઠા તૈયાર કરો. તેને ત્યારપછી દહીં કે રાયતા સાથે સર્વ કરો.
અવાજ સરસ લેખો અથવા આવનારા પાર્ટ ની અપડેટ માટે અમારા ફેસબુક પેજને લાઈક કરી સાથે સાથે FOLLOWING માં જઈ see first કરજો એટલે તમને તરત અપડેટ મળશે.
જો તમને આ માહિતી સારી લાગી હોય તો અમને કમેન્ટ સેક્શન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ફૂડ ” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરજો… આભાર
નોંધ : આ લખાણ ની કોપી કરતા પહેલા અમારી લેખિત મંજુરી લેવી જરૂરી છે.