મિત્રો, આજે હું તમને ટૈકો સમોસા બનાવવાની એક નવી રીત બતાવવા જઈ રહી છું. આ સમોસાને તો આપને ફટાફટ બનાવીને તૈયાર કરી લઈએ છીએ. તો આ વખતે સાંજની ચા કે સવારના નાસ્તામાં બનાવો આ મજેદાર તેમજ સ્વાદિષ્ટ ટૈકો સમોસા અને ચાખો ટૈકો સમોસાનો જબરદસ્ત સ્વાદ.
ટૈકો સમોસા બનાવવાની સામગ્રી:
- મેંદો -૨૦૦ ગ્રામ
- રવો -૫૦ ગ્રામ
- હળદર પાવડર – અડધી ચમચી
- અજમા – અડધી ચમચી
- ગરમ પાણી – જરૂર મુજબ
- નમક – સ્વાદ મુજબ
- તેલ – તળવા માટે
ભરવા માટેની સામગ્રી:
- બટાકા -૪ મધ્યમ કદના બાફેલા
- વટાણા -બાફેલા અડધી વાટકી
- આમચૂર પાવડર – એક ચમચી
- આદુ – એક ચમચી પીસેલું
- હળદર પાવડર – અડધી ચમચી
- નમક – અડધી ચમચી
- તેલ – બે ચમચી
રીત:
- ટૈકો સમોસા બનાવવા માટે સૌથી પહેલા લોટ બાંધીને તૈયાર કરી લો. તેના માટે એક વાસણમાં મેંદો, રવો, અજમા, હળદર પાવડર અને ત્રણ ચમચી તેલ નાખીને સરખી રીતે મિક્ષ કરી લો. અને પછી તેમાં થોડું થોડું ગરમ પાણી નાખતા તેના લુઆ બનાવી લો.
- લોટને આપણે થોડો કઠણ જ બાંધવાનો છે. સરખી રીતે મસળીને તેના લુઆ બનાવી લો. પછી દસ મિનિટ માટે તેને રાખી દો.
- એટલામાં આપણે ભરવાની સામગ્રી તૈયાર કરી લઈએ. બટાકાને બારીક બારીક સમારી લો. અને ગેસ પર એક વાસણ ગરમ થવા માટે રાખી દો. પછી તેમાં બે થી ત્રણ ચમચી તેલ નાખો અને પછી તેમાં રાઈ નાખો દો અને પછી વરિયાળી, હિંગ, જીરૂ, હળદર પાવડર અને આદુ નાખીને સરખી રીતે મિક્ષ કરી લો.
- પછી તેને એક થી બે મિનિટ સુધી સાંતળી લો. બે મિનિટ પછી તેમાં બાફેલા બટાકા, બાફેલા વટાણા, ધાણા પાવડર, લાલ મરચાનો પાવડર અને ગરમ મસાલા પાવડર નાખીને સરખી રીતે મિક્ષ કરી લો.
- એક મિનિટ પછી આમચૂર પાવડર અને નમક નાખીને સરખી રીતે મિક્ષ કરી લો. ચાર થી પાંચ મિનિટ સુધી બટકાને સરખી રીતે સાંતળી લો. જ્યારે બટાકા સરખી રીતે સંતળાઈ જાય ત્યારે તેને એક થાળીમાં કાઢીને ઠંડુ થવા માટે રાખી દો.
- હવે આપણો લોટ પણ સારી રીતે તૈયાર છે. લોટને સરખી રીતે મસળીને તેના નાના નાના લુઆ બનાવી લો. આ રીતે બધા લોટના લૂઆ બનાવીને રાખી દો.
- પછી વેલણ ની મદદથી નાના નાના વણી લો. પછી એક વાટકી ની મદદ થી ગોળાકાર કાપી લો. અને એક કાંટા ની મદદથી તેની આરપાર છિદ્રો બનાવી લો.
- કડાઈમાં તેલ મૂકીને ગરમ કરવા માટે રાખી દો. જે આપણે લોટની નાની નાની રોટલી વણી છે તેને વાળીને તેલમા નાખી દો. અને ને મિનિટ પછી તેને પલટાવી દો.
- જેથી અંદરથી પણ સરખી રીતે શેકાઈ જાય. બંને તરફ કડકડી તેમજ હળવા સોનેરી રંગના થાય ત્યારે ટૈકો ને કડાઈ માંથી કાઢી લો અને બાકીના બધા ટૈકો પણ આ રીતે તળીને કાઢી લો.
- હવે આપણા બધા ટૈકો તળાઈને તૈયાર થઈ ગયા છે. હવે એક એક કરીને તેની અંદર બટાકાનો મસાલો ભરી લો. બનીને તૈયાર છે આપણા ગરમ ગરમ ટૈકો સમોસા.
આવાજ સરસ લેખો અથવા આવનારા પાર્ટ ની અપડેટ માટે અમારા ફેસબુક પેજને લાઈક કરી સાથે સાથે FOLLOWING માં જઈ see first કરજો એટલે તમને તરત અપડેટ મળશે.
જો તમને આ માહિતી સારી લાગી હોય તો અમને કમેન્ટ સેક્શન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરજો…
નોંધ : આ લખાણ ની કોપી કરતા પહેલા અમારી લેખિત મંજુરી લેવી જરૂરી છે.
Author : FaktGujarati Team