જો તમે રોજિંદો ખોરાક ખાઈ ને કંટાળી ગયા છો તો અને થોડું ટેસ્ટી અને મજેદાર ખોરાક ખાવા માંગતા હો, તો પછી તમને આજે દૂધી ના શાક ની એક નવી જ રેસીપી લઈ આવી છુ. તમે દૂધી નું શાક ચણાની દાળ અથવા દૂધી બટેકા એવી રીતે ખાધું હશે. હવે તમે આ જ દૂધી ના શાક ની અલગ રેસીપી લઈ આવી છુ જે એક દમ ચટાકેદાર અને ટેસ્ટી પણ હશે.
સામગ્રી:
કોફતા માટે
- દૂધી – 250 ગ્રામ
- લીલું મરચું – 2
- ડુંગળી – 1/3 ભાગ
- કોથમીર
- આદુ લસણ પેસ્ટ – 1 ચમચી
- લાલ મરચું પાવડર – 1/3 ચમચી
- હળદર પાવડર – 1/2 ચમચી
- ધાણા જીરું – 1/2 ચમચી
- અજમો – 1/4 ચમચી
- બેસન – 100 ગ્રામ
- તેલ – શેકવા માટે
ગ્રેવી માટે
- તેલ – 50 ગ્રામ
- જીરું – 1/2 ચમચી
- લીલુ મરચું – 2 નંગ
- ડુંગળી ની પેસ્ટ – 1/2 કપ
- ટામેટા ની પેસ્ટ – 1 કપ (2 ટામેટાં)
- લાલ મરચું પાવડર – 1 ચમચી
- હળદર પાવડર – 1/2 ચમચી.
- મીઠું – 1/2 ચમચી
- ગરમ મસાલો – 1 ચમચી
- કોથમીર
રેસીપી:
- પહેલા દૂધી ની છાલ કાઢી નાંખો અને તેને સારી રીતે ધોઈ લો.
- પછી તેને છીણી નાખો અને ત્યારબાદ તેને નિચોવી લો.
- ત્યારબાદ તેમાં લીલા મરચા, કોથમીર અને આદુ લસણની પેસ્ટ નાખો.
- ત્યારબાદ તેમાં લાલ મરચું પાવડર, હળદર પાવડર, ધાણા જીરું અને અજમો નાંખો.
- ત્યારબાદ તેમાં ચણાનો લોટ(બેસન)નાંખો અને તેને બરાબર મિક્ષ કરી 5 મિનિટ માટે સેટ થવા દો.
- ત્યારબાદ તેમાં મીઠું નાખો અને ગેસ પર તેલ ગરમ કરવા માંટે મૂકો.
- પછી તેના નાના નાના બોલસ્ બનાવો.
- ત્યારબાદ ધીમા તાપે આ બોલ્સ ને ફ્રાય કરો.
- જ્યારે બોલ્સ બંને બાજુથી ફ્રાય થઈ જાય ત્યારે તેને બહાર કાઢો.
- ત્યારબાદ બીજી કઢાઈ માં થોડું તેલ નાંખો અને તેમાં જીરું નાખો, થોડી વાર પછી તેમાં ડુંગળીની પેસ્ટ નાખી દો અને 2-3- મિનિટ સુધી શેકવા દો.
- ત્યારબાદ તેમાં ટામેટાની પેસ્ટ નાંખો અને ત્યારબાદ શેકી લો.
- ત્યારબાદ મરચું પાવડર, હળદર અને મીઠું નાંખો અને થોડીવાર માટે પકાવો.
- ત્યારબાદ તેમાં પાણી ઉમેરીને ઉકળવા દો.
- ત્યારબાદ તેમાં બોલ્સ ઉમેરો અને 4-5 મિનિટ સુધી રાંધો.
- ત્યારબાદ તેમાં ગરમ મસાલો અને સમારેલી કોથમીર નાખો અને ગેસ બંધ કરો.
- પછી તેને કોઈપણ સર્વિંગ બાઉલ માં બહાર કાઢો અને તમારા દૂધી ના કોફતા તૈયાર છે. તેને ગરમ રોટલી, ફૂલકા અથવા પરાઠા સાથે ખાઓ.
મહત્વપૂર્ણ ટીપ્સ: –
- દૂધી ને છીણી લો અને તેના પાણી ને સારી રીતે કાઢી લો.
- તમે તમારી પસંદની શાકભાજી પણ ઉમેરી શકો છો, જેમ કે ગાજર, વટાણા, ડુંગળી વગેરે.
- જો તમે ઇચ્છતા હોવ તો, બોલ્સ ને ફ્રાય કરવા ને બદલે, તમે તેને શેલો ફ્રાય પણ કરી શકો છો.
- ગ્રેવી માટે ટમેટા અને ડુંગળીની પેસ્ટ નો ઉપયોગ કરી રહ્યા છીએ.
આવાજ સરસ લેખો અથવા આવનારા પાર્ટ ની અપડેટ માટે અમારા ફેસબુક પેજને લાઈક કરી સાથે સાથે FOLLOWING માં જઈ see first કરજો એટલે તમને તરત અપડેટ મળશે.
જો તમને આ માહિતી સારી લાગી હોય તો અમને કમેન્ટ સેક્શન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરજો…
નોંધ : આ લખાણ ની કોપી કરતા પહેલા અમારી લેખિત મંજુરી લેવી જરૂરી છે.
Author : Faktfood Team