પનીર ચિલ્લી:
ઘણા લોકો એવા હોય છે કે જેઓ નોન-વેજ નથી ખાતા એટલે તેઓ પનીર નું શાક ખાય છે. તેથી જ આજે હું તમારા માટે પનીર ચિલ્લી ની રેસિપિ લાવી છું.
તમે તેને કોઈપણ વસ્તુ સાથે ખાઇ શકો છો, રોટલી, પુરી અથવા ભાત સાથે. ઘણા લોકો એવા હોય છે કે જેમને રસોઈ બનાવવાનો શોખ હોય છે પણ તે સારું નથી બનાવી શકતા. અને હું તેમાંથી એક છુ સમસ્યા એ છે કે આપણે રસોઇ બનાવવાનું શરૂ કરીએ છીએ, પરંતુ આપણે બનાવવાની રીત નથી ખબર હોતી કે તેને બનાવવાની સાચી રીત શું છે. અને તેથી જ બધી સામગ્રી હોવા છતાં આપણે સારું નથી બનાવી શકતા.તો ચાલો આવું જ કંઈક ખાવાનું બનાવા નું શરૂ કરીએ.
સામગ્રી:
- પનીર: 250 ગ્રામ
- ડુંગળી: 1 (કાપેલી)
- લીલા મરચા: 4 (કાપેલા)
- કેપ્સિકમ: 1 (કાપેલા)
- લીલી ડુંગળી: 2 (કાપેલ)
- આદુ લસણ: (જીણું સમારેલ)
- આદુ લસણની પેસ્ટ : 2 ચમચી
- મેંદો: 50 ગ્રામ
- મકાઈનો લોટ: 2 ચમચી
- મરચાંનો સોસ : 1 ચમચી
- ટામેટા સોસ: 1 ચમચી
- સોયા સોસ: 1 ચમચી
- મરી પાવડર: 1/2 ચમચી
- તેલ – 50 ગ્રામ
- મીઠું – 1/2 ચમચી
- હળદર – 1/2 ચમચી
- ગરમ મસાલા – 1 ચમચી
રેસીપી: –
- પહેલા બાઉલમાં મેંદો, મકાઈનો લોટ, મરચું અને મીઠું નાંખો અને તેની પેસ્ટ તૈયાર કરો.
- હવે તેમાં પનીર નાખો અને તેને મિક્સ કરો અને થોડા સમય માટે રાખી મૂકો.
- ત્યારબાદ એક કડાઈમાં થોડું તેલ લઇ તેમાં પનીર તળી લો.
- પછી તેને વાસણમાં કાઢી લો.
- ત્યારબાદ આ તેલમાં આદુ, લસણ, બારીક સમારેલ ડુંગળી, મરચું અને કેપ્સિકમ નાંખો.
- થોડી વાર શેક્યા પછી તેમાં સોયા સોસ, ટમેટા સોસ , લીલા મરચા નો સોસ, મરચું પાઉડર, આદુ લસણની પેસ્ટ નાખીને શેકી લો.
- ત્યારબાદ તેમાં થોડું પાણી નાખીને પનીરની ગ્રેવી ઉમેરી થોડીવાર પકાવો.
- ત્યારબાદ પનીર નાંખો અને તેને થોડા સમય માટે પકાવો.
- પછી ગેસ બંધ કરો અને ઉપર લીલી ડુંગળી નાખો.
- પનીર ચિલ્લી તૈયાર છે, તેને વાટકા માં કાઢી લો અને ગરમ ગરમ પીરસો.
મહત્વપૂર્ણ ટીપ્સ: –
- પનીર નું બેટર ખૂબ પાતળુ ન હોવુ જોઈએ.
- પનીરને બેટરમાં રાખ્યા પછી તેને થોડી વાર સેટ થવા દો જેથી તે સારી મરીનેઇટ થઈ જાય.
આવાજ સરસ લેખો અથવા આવનારા પાર્ટ ની અપડેટ માટે અમારા ફેસબુક પેજને લાઈક કરી સાથે સાથે FOLLOWING માં જઈ see first કરજો એટલે તમને તરત અપડેટ મળશે.
જો તમને આ માહિતી સારી લાગી હોય તો અમને કમેન્ટ સેક્શન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરજો…
નોંધ : આ લખાણ ની કોપી કરતા પહેલા અમારી લેખિત મંજુરી લેવી જરૂરી છે.
Author : FaktFood Team