શું તમને પણ લોકડાઉન દરમ્યાન કઈક ચટપટુ ખાવાનું મન થયું છે, તો બનાવો મસાલા વડા

હાલ કોરોના ને લીધે પૂરો દેશ લોકડાઉન છે. જેના લીધે શાકભાજીઓ મળવી પણ મુશ્કેલ છે. આવા સમયે ઘરમાં જ્યારે શાકભાજી ન હોય તો શું બનાવવું તે મોટો પ્રશ્ન છે. તો આજે અમે તમને મસાલા વડા બનાવતા શીખવીશું, જે બનાવવામાં સરળ છે અને ખાવામાં ટેસ્ટી લાગશે. તો આવો જાણીએ કે લોકડાઉન વચ્ચે કેવી રીતે બનાવવા ટેસ્ટી મસાલા વડા ..

image source

સામગ્રી

• 1 કપ ચોખા
• 1 કપ તુવેરની દાળ
• 1 કપ ચણાની દાળ
• 1 કપ અડદની દાળ
• 1 કપ મગની ફોતરાવગરની દાળ
• 10 સૂકા લાલ મરચાં
• સ્વાદાનુંસાર મીઠું
• 4-5 મીઠા લીમડાના પાન

image source

બનાવવાની રીત 

ચોખા, તુવેરની દાળ અને ચણાની દાળને એક બાઉલમાં લો. તે ડૂબે એટલું પાણી ઉમેરીને તેને 2 કલાક માટે પલળવા દો. આ જ રીતે અડદની દાળ અને મગની દાળને બે કલાક માટે અલગ-અલગ બાઉલમાં પલાળવા મૂકો દો.

image source

• મિક્સર જારમાં પલાળેલા ચોખા, તુવેરની દાળ અને ચણાની દાળ, મીઠું, સૂકા લાલ મરચાં અને મીઠા લીમડાના પાન ઉમેરીને ક્રશ કરી લો.
• ક્રશ કરતી વખતે સહેજ પણ પાણી ઉમેરવું નહીં તેમજ દાળમાંથી પણ પાણી કાઢી લેવું. અડદની દાળને આ જ રીતે અલગથી ક્રશ કરી લો.
• એક બાઉલમાં મિશ્રણને લઈ લો. તેમાં પલાળેલી મગની દાળમાંથી પાણી કાઢીને આખી જ ઉમેરી દો અને હાથથી સરસ રીતે મિક્સ કરીને બેટર બનાવી લો.

image source

• આ મિશ્રણમાંને હાથથી થેપીને વડાનો શેપ આપી દો. કડાઈમાં તેલ ગરમ કરવા મૂકો.
• તેલ ગરમ થઈ જાય એટલે વડા તેમાં ગોલ્ડન-બ્રાઉન અને ક્રિસ્પી થાય તેવા તળી લો.

તો તૈયાર છે મસાલા વડા. તેને ગ્રીન ચટણી કે સોસ સાથે સર્વ કરો.

અવાજ સરસ લેખો અથવા આવનારા પાર્ટ ની અપડેટ માટે અમારા ફેસબુક પેજને લાઈક કરી સાથે સાથે FOLLOWING માં જઈ see first કરજો એટલે તમને તરત અપડેટ મળશે.

નોંધ : આ લખાણ ની કોપી કરતા પહેલા અમારી લેખિત મંજુરી લેવી જરૂરી છે.

Author : Shivani & FaktGujarati Team